11 апрельыште Шернур районысо Лажъял школышто Марий йылме, литератур да ИКН декадым торжественно почыныт. Марий йылме ден литературым туныктышо Л.А.Волкован шочмо йылме да тудын кӱлешлыкше нерген каласкалымеке, йоча-влак «Ӱдырым тулартымаш» йӱлам модын ончыктеныт.
Декаде жапыште «Сылне марий вургем» фотоконкурс, «Марий улмем дене кугешнем» сочинений конкурс эртаралтыт, тыгак тунемше-влакын марий йылме дене эн сай тетрадьыштым да библиотекыште марла книгам эн шуко лудшым палемдат. Сеҥыше-влаклан пӧлекым кучыктат.
А.Байкова.