Пенсий деч ончычсо ийготан граждан-влакын налог льгото дене пайдаланен кертмышт нерген колынам. Тиде чынак мо? Чын гын, могай дене?
А.Васильев.
Морко район.
Йодышлан Марий Элыште Россий УФНС-н пресс-службыштыжо тыге вашештышт:
– 2019 ий 1 январь гыч пенсий деч ончычсо ийготан манме радамыш пурышо граждан-влак пенсионер-шамычлан палемдыме налог льгото дене пайдаланен кертыт. Тидыже тӱрлӧ категорий граждан-влаклан пенсий ийготым йыжыҥын-йыжыҥын нӧлталме, ты шотыштак социальный пенсийым але пенсийым жап деч ончыч палемдыме дене кылдалтын.
Пенсий деч ончычсо ийготан граждан-влакын ынде тыгай правашт уло:
- 6 сотык кадастр ак кугытлан налог вычет шотан мланде налог шотышто льгото (ст.391 НК РФ);
- ик объектлан пого налогым тӱлымӧ деч утарымаш (ст.407 НК РФ).
Нине льгото 2020 ийыште 2019 ийысе налог пагытлан физический лицан пого налогшым шотлен лукмо годым шотыш налалтыт.
2019 ийысе налог пагытыште льготлан права дене пайдаланышашлан пенсий деч ончычсо ийготан граждан-влаклан идалык жапыште налог инспекцийыш але «Мои документы» пӧлкаш налог льготым шотыш налме нерген йодмаш да тидлан правам пуышо документ дене мийыман.
М.ИВАНОВА
