УВЕР ЙОГЫН

Ешым чапландареныт

15 майыште Килемар поселкышто Ӱдырамаш-влакын III районысо форумышт эртен.

Мероприятий Ешын тӱнямбал кечынже лийын, санденак тудо еш йӱлалан да ешыште ӱдырамашын рольжылан пӧлеклалтын. Тиде амал денак форумышто шуко шочшан да йочам ашнаш налше еш-влакым палемденыт. А Килемар районышто 199 еш 3 икшывым, 40 еш – 4, 17 еш – 5, 5 еш – 6 да 1 еш 9 ӱдыр-эргым ончен куштат.

Форумын участникше-влак еш йӱлашт нерген веле огыл каласкаленыт, тыгак посна еҥын пӱрымашыж денат палдареныт.

Л.Камалетдинова.

Опубликовать в Одноклассники

Добавить комментарий