Теният Йошкар-Оласе бульварым, паркым, скверым, площадьым да ола уремым 300 тӱжем утла тӱрлӧ пеледыш сӧрастараш тӱҥалеш.
Теле мучко оласе оранжерейыште ончен-куштымо чевер пеледышым ты арнян Чавайн, Сеҥымаш бульварласе клумбылаш кусарен шындылыт. Петуний, сальвий, бархотец, бальзамин да шуко моло пеледыш рӱдолалан у сыным пурта, тыште илыше-влакым, турист-влакым куандараш тӱҥалыт.
Р.Чепакова.
