УВЕР ЙОГЫН

Окнаж гыч кудывечыш лӱйкален

2 апрельыште У  Торъял поселкысо шуко пачашан ик пӧртыштӧ илыше-влак полицийыш йыҥгыртеныт да 37 ияш пошкудыштын икымше пачашысе пачер окнаж гыч мишеньыш лӱйкалымыж нерген каласеныт.

Мишеньым тудо кудывечыште вераҥден. А лӱйкалаш регистрироватлыдыме пычалым палымыж деч налын. Пӧръеҥ тушто еҥ-влак улмымат шотыш налын огыл, иктаж-кушеч кенета йоча куржын лектын кертме нергенат шоналтен огыл.

Пӧръеҥым кучымаште вневедомственный охране да МВД-н следственно-оперативный группыжын пашаеҥже-влак лийыныт. Рашемын: аракам йӱмыжлан тиде еҥ учётышто шога.

Кызыт уголовный делам тарватыме да закон дене келшыдымын пычалым налмыжлан да аралымыжлан мут кучаш шогалтыме нерген йодыш каҥашалтеш.

Л.Камалетдинова.

Опубликовать в Одноклассники