УВЕР ЙОГЫН

Метрошто пудештареныт

Шочмын, 3 апрельыште, Санкт-Петербургысо метрошто пудештарымаш лийын.

Тушто сусыргышо да колышо-влакын чотышт кажне кечын вашталтеш. Россий минздравын 4 апрельлан пуымо данныйже почеш, 14 еҥ колен, 49 еҥ сусырген. Нуным эмлымверыш наҥгаеныт. Колышо-влакын капыштым 5 апрельыште лишыл еҥыштлан пуымо процедур эртен.

Следователь-влак тиде преступленийым кӧн ыштымыжым пален налыныт. Тиде Киргизийыште 1995 ийыште шочшо Акбаржон Джалилов лийын кертын манын палемдат. Тыгак ятыр камерыш возымо видеом ончен лектыныт. Кызыт нуным шымлыме паша эртаралтеш. Джалиловын «Исламское государство» террористический группировко дене кылже лийме-укем рашемдат.

Тиде факт шотышто тергымаш умбакыже шуйна.

Л.Камалетдинова.

Опубликовать в Одноклассники