«2019 ийын кокла медицине да фармацевт шинчымашан сай специалистше» всероссийский конкурсын регионысо этапше эртен. Тудын шым номинацийыштыже 16 еҥ таҥасен.
«Профессийлан ӱшанле» номинацийыште I верым Перинатальный рӱдерын кызыт гына шочшо аза-влаклан реанимаций да интенсивный терапий отделенийжын кугурак медсестраже Светлана Чернышова налын, II верым – Шернур районысо рӱдӧ больницын тӱҥ медсестраже Алевтина Исаева, III верым – Йошкар-Оласе стоматологический поликлиникын 1-ше №-ан эмлыме-хирургический отделенийжын медсестраже Светлана Головенкина.
«Эн сай кугурак медсестра» номинацийыште I верым Республикысе сарын ветеранже-влакын клинический госпитальыштын неврологический отделенийжын медсестраже Наталья Патрушевалан пуымо, II верым – тиде госпитальынак 3-шо №-ан терапевтический отделенийжын кугурак медсестраже Светлана Одинцовалан, III верым – Йошкар-Оласе больницын нейрохирургический отделенийжын кугурак медсестраже Инна Баженовалан.
«Эн сай акушер» номинацийыште Перинатальный рӱдерын азам ыштыме 2-шо №-ан отделенийжын акушеркыже Светлана Ямщикова ойыртемалтын.
«Эн сай медсестра» номинацийыште I вер Республикысе сарын ветеранже-влакын клинический госпитальыштын массаж шотышто медсестраже Надежда Нажимовалан логалын, II вер – Медведево районысо рӱдӧ больницын палатный (постовой) медсестраже Анна Красновалан, III вер – Советский районысо рӱдӧ больницын поликлиникыжын процедурный медсестраже Ирина Рыбаковалан.
«Эн сай фельдшер» номинацийыште Вашкеполыш станцийын фельдшерже Оксана Тиманова палемдалтын.
«Эн сай лаборант» номинацийыште Республикысе сарын ветеранже-влакын клинический госпитальыштын клинике да диагностике лабораторийжын лабораторный техникше (фельдшер-лаборантше) Анна Отмахова ойыртемалтын.
«Эн сай участковый медсестра» номинацийыште I верыш Республикысе сарын ветеранже-влакын клинический госпитальыштын поликлиникыжын участковый медсестраже Наталья Варсегова лектын, II верыш – Параньга районысо рӱдӧ больницын участковый поликлиникыжын врач-педиатрын кабинетшын участковый медсестраже Альбина Гатауллина.
Эн сай паша-влакым РФ Тазалыкым аралыме министерствыш конкурсын Россий кӱкшытан этапышкыже колтымо.
Снимкыште: Шернур районысо рӱдӧ больницын тӱҥ медсестраже Алевтина Исаева.
М.ИВАНОВА