Республик кӧргысӧ да ӧрдыж гыч толмо шотышто туризм областьыште тенийлан Марий Эл вуйлатышын грантшылан конкурс иктешлалтын.
Тушко чылаже 21 йодмаш пурен. Нунын кокла гыч кумытшылан шонымашым илышыш шыҥдараш окса полыш лиеш. «Марий Эл Республик кумдыкышто турист-влаклан ончыктымо объектым тӱзатымаш» номинацийыште «Ончыкылык тукымлан кодымо шарнымаш» проект сеҥен. Тудлан 200 тӱжем теҥге ойыралтеш. «Марий Элыште туризм сферыште эн сай рекламе-увер проект» номинацийыште «Царевококшайск — кугу царьын олаже» (100 тӱжем теҥге), «Марий Элыште йоча туризмым вияҥдымаш» номинацийыште «Йомак йолгорно» (100 тӱжем теҥге) проект-влак палемдалтыныт.
С.Носова
