Тудым чумыраш Республик вуйлатыше Александр Евстифеевын полшымыж дене тӱвыра, печать да калык-влакын пашашт шотышто министр Константин Ивановын шонымашыже лийын.
Тушко республикысе сымыктыш школлаште тунемше йоча-влакым ойырен налме. Чылаже 450 икшыве. Хорын дирижёржо — Национальный президент искусство школын туныктышыжо, Марий Эл Кугыжаныш премийын лауреатше Лилия Семенова.
Йоча хор мастарлыкым икымше гана 26 мартыште Э.Сапаев лӱмеш опер да балет театрыште ончыкта.
А.Байкова.
