КУЛЬТУР ДА ИСКУССТВО

Книгагудышто – театр библиойӱд

Звенигово районысо Красногорский книгагудышто театр библиойӱд эртен.

Мероприятийыш тӱрлӧ ийготан зритель-влак толыныт. Школ, йочасад, книгагудо студийыш коштшо-шамыч куштыжо весела, куштыжо шӱлыкан сценке-влакым модын ончыктеныт. Тидын деч посна поэт Т.Пчёлкина ден мурызо А.Яковлева гитарым шоктен муреныт, а Э.Сапаев лӱмеш опер да балет театрын солистше Э.Курай тӱрлӧ опер гыч икмыняр партийым йоҥгалтарен. Касым вӱдышӧ Л.Семёнова тений шыжым 100 ияш лӱмгечыжым палемдаш ямдылалтше Шкетан лӱмеш театрын илыш корныж нерген оҥайын каласкален.

Иктешлен каласаш гын, театр библиойӱд унаже-влаклан шуко сай шарнымашым коден.

М.ИВАНОВА

Опубликовать в Одноклассники

Добавить комментарий