21 апрельыште Звенигово районысо Шолангуш ялыште пожар лийын. Тудым Провой кундемысе чыла аварий службо йӧрташ толын. Йӱлымӧ верыште 1957 да 1966 ийлаште шочшо кок пӧръеҥ ден индеш ияш рвезын капыштым мумо.
Нине еҥ кеҥеж пӧртыштӧ иленыт. Пожарник-влакын палемдымышт почеш, тул электрооборудованийыште кӱчык замыканий лиймылан кӧра ылыжын.
Звенигово межрайонный следствий пӧлка шекланыдымылан кӧра кок але утларак еҥын колымышт шотышто уголовный делам тарватен. Кызыт специалист-влак мо кузе лиймым рашемдат.
М.ИВАНОВА
