Марий Эл Кугыжаныш Погынын президиумжын 139-ше заседанийже Потребитель-влакын праваштым аралыме шотышто федеральный службын республикысе управленийыштыже эртен.
Верыш лектын эртарыме заседанийыште законодательный органын да депутат-влакын 2019 ий I-ше кварталысе пашаштым иктешленыт.
Туштак президиум 49-ше сессийым 6 июньышто эртарышаш нерген пунчалым луктын. Ты сессийыште ик эн тӱҥ йодыш шымше созыв Кугыжаныш Погыныш депутат-влакым сайлыме нерген пунчалым приниматлымаш лиеш.
Л.Камалетдинова
