ПӰСӦ ЙОДЫШ

Подъездым олмыкташ тӱҥалыныт

ОНФ-ын региональный отделенийжын еҥже-шамычын полшымыштлан кӧра Йошкар-Олаште «Домоуправление-12» виктарыше компаний Прохоров уремысе, 22-шо №-ан шуко пачеран пӧртыштӧ тӱшкан пайдаланыме кумдыкым олмыкташ тӱҥалын.

Тыште илыше-влак тылеч ончыч икмыняр ий пӱсӧ йодышым шотыш конден кертын огытыл.

Февральыште калык фронтын региональный модераторжо, Валентин Севастьяновын соцкылыште, шке лаштыкыштыже ты пӧртым «йошкар-оласе гетто» дене таҥастарымекыже, ты пӧртыштӧ оласе прокуратур тергымашым эртарен да общественникын ончыктымыжым пеҥгыдемден. Тӱшкан пайдаланыме кумдык илыме законодательствын требованийлан тыште келшен толдымо.  Виктарыше компаний илыше-влак ончылно шке обязательствыжым ок шукто, подъездым шотыш конден олмыктен огыл.

Тергыше-влак чиян келгын нӱжалтмыжым, ятыр вере штукатуркын лончалтмыжым, икымше подъездын тамбурышто плиткын тӧргалтмыжым, кумшышто тошкалтышын локтылалтмыжым пеҥгыдемденыт.

Домоуправлений вуйлатышылан административный правам пудыртымо шотышто пунчалым лукмо.

Р.Чепакова ямдылен.

Опубликовать в Одноклассники

Добавить комментарий