Марий Турек районышто апрель тӱҥалтыште «Ветеранлан полшо» лӱман акцийым увертарыме.
Ты мероприятийын тӱҥ шонымашыже –волонтёр, студент, кугурак классыште тунемше, социальный пашаеҥ-шамычым суапле пашаш ушен, сарыште лийше ветеран-влаклан, тулык вате, инвалид да сар годым тылыште тыршыше шоҥгыеҥ-влаклан пӧрткӧргым, кудывечым, оралте йырым шӱкшак деч эрыкташ, окнам мушкаш полшаш. Тыгак кажныжым шушаш Сеҥымаш пайрем дене саламлаш.
Ты пашаш Карлыган, Хлебниково кыдалаш школ-влакын тунемшышт да молат кумылын ушненыт. Нуно тылыште тыршыше да сар ветеран-влаклан шарнымашан Георгиевский тасмам да открыткым кучыктеныт.
Р.Чепакова ямдылен.
