Кугу «каныш» деч вара Марий Элын футбол командыже Россий кӱкшытан таҥасымашке ушна.
23 апрельыште «Марий Эл» ий полатыште футбол тургымым почмо лӱмеш пресс-конференций эртен. Тудыммолодёжный политике, спорт да туризм министр Л.Батюкова почын.
– Мыланем пеш ответственный сомылым ўшаненыт. Ты кечым эрелан шарнен кодам. Таче ме верысе футбол командым уэш Россий кўкшытыш луктына. Тидым республикыште веле огыл, элнан футбол общественностят вуча. Тўнямбал чемпионат деч вара футбол Российыште пеҥгыде ошкылым ышта, – палемдыш Лидия Александровна. – Марий Элна спорт дене кылым кучымо шотышто Российыште ик эн ончылно кая, манаш лиеш. Кундемыштына илыше-влак спортын 85 видше дене пеҥгыде кылым кучат, тышечын кудытшо базовыйлан шотлалтеш. Тыгак 45 аккредитованный спорт федераций уло. Футбол, иймаш, волейбол чотрак вияҥыт. Тўшка да йєратыме спортлан, мутат уке, футбол шотлалтеш. Тудын дене 20 тўжем утла еҥ кылым куча, 600 спортсмен тунемме организацийлаште ямдылалтыт. Марий Эл правительстве мемнан командылан полшаш тӱҥалме шотышто пунчалым луктын. Сандене тудо 2019 ийыште III дивизионын «Поволжье» зоныштыжо модшо команде-влак коклаште Российын первенствыштыже, кубокшо верч таҥасымаште вийжым тергаш тӱҥалеш.
«Дружба»
Вашлиймаште футбол командылан лӱмым пуымо шотыштат йодыш лекте. Ик велым, пытартыш жапыште тудо «Спартак» лийын да сеҥымашыжат тудын денак кылдалтын. Вес велым, ончыч, «Дружба» команде лийын. Икмыняр тукым модшо ден болельщик-влак лач тиде лўм дене историеш кышам коденыт. Икманаш, шукышт тудын верч тургыжланен кертыт. Тыге, кутырен келшышт: Россий первенствыште (III дивизион) модшо футбол команде «Дружба» маналташ тӱҥалеш.
– Пеш кугу тау правительствылан, Александр Евстифеевлан. Мемнан йодмым єрдыжеш коден огытыл. Командылан полшаш тӱҥалыт, вет футболын вияҥмыже спортын моло видше семынак финанс дене кылдалтын. Профессионал спортсмен огыл любитель улыт гынат, вет чылажат кугу гонорар, шийвундо кӱлеш. Республик ты тургымышто командылан 5 миллионат 600 тӱжем теҥгем ойырен, – палемдыш Л.Батюкова.
«У тошто» «Дружба» футбол клубын тӱҥ тренерже Александр Ненашкин командыште у да пеш самырык футболист, нуно тӱҥ шотышто спортшкол ден Олмпийский резерв училищын воспитанникше-влак улыт манын палемдыш:
– Кажне матчыште се‰ымаш верч модаш, ончаш толшо-влакым сай да мотор модмаш дене куандараш тыршаш тӱҥалына. Куштылгыжак ок лий, график неле, модмашыжат шуко, а футболист-шамыч самырык улыт. Сандене опытан тренер ден спортсмен-влакым ушаш шонена.
Мутым тыгак республикысе футбол тўняште лўмлє специалист, «Дружба», тыгак «Спартак» командыште модшо, таче кечылан лӱмлӧ капка оролын, Александр Филимоновын, ачаже Владимир Филимонов мутым нале.
– Мутат уке, кугу каныш деч вара тыгай ошкылым ышташ куштылгыжак огыл: командын вуйлатышыжланат, правительствыланат, футболист-шамычланат. Эн тӱҥжӧ, рвезе-влак, тендам аралыше да тыланда полшаш кумылан-влак улыт. Шонымаш сай, задачым чын шындыме: стадионыш калык ончаш толшаш. Тыланда чот тыршыман. Футболист-шамыч сайын модыт, республикын чапшым кўшнє кучат гын, модмо пасу гыч лекмекда, киддам кучен саламлаш тӱҥалыт. Пиалым тыланда!
Тыге кугу футбол адакат мемнан дене пырля. Икымше матч 24 апрельыште «Дружба» стадионышто лийын. Тушто «Дружба» «Зенит» (Ижевск) команде дене вашлийын. Оза-влак 0:2 счёт дене се‰алтыныт.
Е.Эшкинина.
