ЙӰЛА УВЕР ЙОГЫН

Кугече арня лекме кечын

5 майыште Чарла кремльыште Кугече ярмиҥга эрта.

Тудым Йошкар-Ола да Марий епархий эртара. Ярмиҥга 11 шагатлан торжественно почылтеш. Пайрем концертым М.Шкетан лӱмеш национальный театрын, А.И.Искандаров лӱмеш кугыжаныш капеллын артистше-влак сӧрастараш тӱҥалыт.

Тений ярмиҥга жаплан Чарла кремльысе часамлаш православный святой-влакын мощыштымат кондат. Нунылан вуйым савыме дене пырля тушто моло черке йӱламат эрташ лиеш. Тыгак молгунамсе семынак кумылан-влак чаҥымат кыраш тунем кертыт. Шке сатум ужалаш шонышо-влакын радамыштат тыштак вераҥыт. Организатор-влак мероприятийыш толшо-шамычлан шуко оҥайым ямдыленыт. Кремльын ик башньыштыже Республикысе курчак театрын артистше-влак куандараш тӱҥалыт гын, Кугече дене кылдалтше модыш программым районла гыч толшо самодеятельный артист-влак ямдыленыт. Пайемыш толшо-влакым шокшо пучымыш да чай дене сийлаш тӱҥалыт. Ярмиҥга чаҥ кырыме фестиваль дене мучашлалтеш.

 С.Носова.

Опубликовать в Одноклассники

Добавить комментарий