УВЕР ЙОГЫН

Университетыште — тунемме у класс

Марий Элын правительствыже республикын агропромышленный комплексшым у кӱкшытыш нӧлталнеже. Тиде пашам, мутат уке,  кызытсе жаплан келшыше тале  специалист-влакым ямдылыме гыч тӱҥалман.

Марий кугыжаныш университетыште ончыкылык аграрий-влаклан кызытсе жаплан келшыше  тунемме классым торжественно почыныт. Ынде стунент-влакым пасушто пашам ышташ  у технике негызеш туныкташ тӱҥалыт.  Вузлан тыгай техникыжым «Ростсельхозмаш» ялозанлык холдинг  пуэн.

Тунемме классым почмаште Марий Элым вуйлатыше А.Евстифеев, «Ростсельмаш» комбайн завод» ООО-н коммерческий директоржо А.Швейцов, ялозанлык  да продовольствий министр А.Гречихо да Марий кугыжаныш университетын  ректоржо М.Швецов лийыныт.

Погынышо-влакым саламлен ойлышыжла, А.Евстифеев тиде чапле событийын шошо ага тӱҥалме дене лачеш толмыжо символла чучеш  манын палемден да Марий Элын ялозанлык отрасльжым  вияҥдыме тӱҥ корно-влак дене палдарен.

Элын президентше  Владимир Путин ик ий ончыч Российыште пырчым да кинде ппродукцийым ыштен налме тӱҥ корнылам рашемден палемден ыле. Марий Эл нерген ойлаш гын, мемнан куралын ӱдымӧ мландына шуко, техникынат уло, но тудо шагал. Университет специалист-влакым ямдылымаште шумо сеҥымашыж дене кугешнен кертеш, но ме палена: уло теоретический ужаш, ты шотышто чыла сай – вузысо преподаватель-влак пашаштым палат, уло эше практический ужашат. Тунемме класслаште але марте могай ялозанлык технике шоген гын, тыгайжым кызыт шотан озан пасулаштыже отат уж, палемден Марий Элым вуйлатыше.

Студент-влаклан наглядный пособий семын комплектующий-влакат кӱлыт, каласен А.Евстифеев.

«Ростсельмашын» коммерческий  директоржо технике дене пайдаланаш тунемаш кӱлшӧ  ужаш ден узел-влакым университет тылзат пеле наре жап гыч налын шукта манын ўшандарен.

Марий Эл Республикым  вуйлатышын организаций да аналитике виктемжын  уверже негызеш П.Шакиров ямдылен

Опубликовать в Одноклассники

Добавить комментарий