ОБРАЗОВАНИЙ УВЕР ЙОГЫН

Тунемме вер жаплан келшыше лийшаш

24 апрельыште Марий Элым вуйлатыше Александр Евстифеев Россий Федераций Кугыжаныш советын паша группыжын «Образований да науко» направлений дене заседанийыштыже лийын. Тудым Новосибирск областьын губернаторжо Андрей Травников видеосвязь режим йӧн дене эртарен.

Заседанийыште элын образований системыже, шинчымашым пуымо условий да тудын качествыж нерген мутланеныт. Марий Эл Образований да науко министерствын данныйже почеш, республикысе школа гыч 97,6 процентыштыже вӱдпуч, рӱдӧ отоплений да канализаций улыт. Чыла общеобщеобразовательный организаций гыч 77 процентшым капитально олмыктыман, но аварийныйлан шотлалтше уке. Кажне ийын республикын бюджетше гыч тидлан окса ойыралтеш, ӱмаште, мутлан, 10 миллион теҥгем, а тений – 60 миллион теҥгем.

Россий Правительствын 2016-2025 ийлан пеҥгыдемдыме «Россий Федерацийысе субъектлаште общеобразовательный организацийлаште у верым ышташ полыш» программыж почеш, кызытсе йодмашлан келшыше у школ-шамычым чоҥышаш улыт. Кызытлан  599 у верым ыштыме: Волжск оласе, Курыкмарий район Кулаково, Волжский район Купсола да Параньга район Элпанур школлаште. Кызыт Йошкар-Оласе 9-В микрорайонышто да Волжск оласе школ-влак чоҥалтыт. Иктыже 825 тунемшылан гын, весыже 336 – веран.

Таче республикыште чылаже 252 общеобразовательный организаций уло, нунын кокла гыч ялысе – 170, оласе – 82. Тушто чылаже 77 тӱжем еҥ тунемеш. Тыгак начар тазалыкан йоча-влаклан 8 организаций уло, тушто 1105 ӱдыр-рвезе шинчымашым пога.

Марий Эл вуйлатышын организаций да аналитике виктемжын уверже негызеш Г.Кожевникова ямдылен.

Опубликовать в Одноклассники

Добавить комментарий