УВЕР ЙОГЫН

Марий Эл у семын чоҥаш ямде

19 апрельыште Марий Элым вуйлатыше Александр Евстифеев чоҥышо отрасльым проектный финансированийыш  кусарыме йодышым каҥашыме  селекторный совещанийыште участвоватлен. Мутланымаш РФ строительстве да илыме вер ден коммунальный озанлык  министр Владимир Якушевын вуйлатымыж  почеш эртен.

Тений  1 июль гыч Российыште вер гыч верыш кусараш лийдыме погым   ужалыме рынке пай шот дене чоҥымым  чарна да объект-влакым проект почеш финансироватлымашке кусна. Тидыже ондалалтше дольщик-влакын чотыштым иземдаш полшышаш.

Кызыт Марий Эл Республикыште проект почеш финансироватлымашке куснаш да эскроу счетым почын пашам ышташ  кум банк ямде. Кумылан улшо чоҥышо-влаклан финансированийын кугытшым рашемдышашлан информацийым возаш кӱлшӧ документ-влакым колтымо.

Марий Эл Минстройын  данныйже почеш, кызыт республикыште 34 чоҥышо пай шот дене чоҥымашке ушнышо еҥ-влакын оксаштым ушымо негызеш 70 объектым чоҥа.

Ушештарена: ондалалтше дольщик-влакын проблемыштым  тӧрлымӧ йодышым Александр Евстифеев Марий Эл Республикым  вуйлатышын постыштыжо пашам ышташ тӱҥалме икымше кече гычак контрольышто куча. Ондалалтше дольщик-влакын проблемыштым тӧрлымӧ  шотышто «корно картымат» Александр Евстифеевын  кӱштымыж почеш ыштыме. Праваштым пудыртыман  еҥ-влакын реестрышкышт пуртымо граждан-влаклан праваштым аралыме шот дене компенсаций  тӱлалтеш але илыме вер  ойыралтеш.

 Тылеч посна  тыгай еҥ-влакын праваштым аралыме шотышто йодышым тӧрлышашлан Кугыжаныш Погын «Марий Эл Республикын территорийыштыже  шуко пачеран пӧртым чоҥышашлан  оксаштым  ушымо да  праваштым пудыртымо  граждан-влакын  праваштым аралыме нерген да «Марий Эл Республикыште мланде шотышто кылым  тӧрлымӧ  нерген» Марий Эл Республикын  Законышкыжо вашталтышым пуртымо нерген» Законым луктын.   

 

Марий Эл Республикым  вуйлатышын организаций да аналитике виктемжын  уверже негызеш П.Шакиров ямдылен 

Опубликовать в Одноклассники

Добавить комментарий