СОЦИАЛ ИЛЫШ

Йошкар-Ола шошо пайремлан ямдылалтеш

Игече шокшемдыме да мланде тыпланыме дене рӱдолаште паша шолеш веле. Ола кумдыкым шӱкшак деч эрыктыме да тӱзатыме месячник жапыште коммунальный службо пашаеҥ-шамычлн кок пачаш тыршашышт перна. 

– Ме моткоч умылена: ола уремым шотыш конден эрыктыме жапыште коммунальный службылан кугу нагрузко дене пашам ышташ логалеш. Чыла вере лум шула, газонышто, корно кок велне, тротуар шӧрыштӧ ошма вартышан шӱкшак шарла. Олаште илыше-влакат ошкылшыштлак шӱкшакым кудалтен кодат. Кызыт мемнан службын ик эн тӱҥ пашаже – кӱчык жапыште ола кумдыкым, паркым, скверым, бульварым тӱрыс порядкыш конден шукташ, – ойла «Город» МУП-ын директоржо В.Дождиков. – Предприятий пашаеҥ-влак остановкым, теҥгылым мушкыт, чиялтат. Культур объект-влак кумдык йырысе шӱкшакым мешакыш поген, тракторыш оптат.

Кажне кечын 60 наре спецтехнике лавырам эрыкта. Икмыняр бригаде автомашина кудалыштме корно мучко кудалтен кодымо, мардеж дене толшо шӱкшакым пога.

Йошкар-Ола кумдыкым эрыктыме да тӱзатыме шошо месячник жапыште ты пашаш организаций ден предприятий вуйлатыше, олаште илыше еҥ-шамычын полшымыштланат ӱшанат.

Р.Чепакова.

Опубликовать в Одноклассники

Добавить комментарий