«Российские железные дороги» холдинг майыште Кугу Отечественный сарын участникше ден инвалидше-влакым торашке коштшо чыла поездласе, ты шотыштак «Сапсанысе» да «Ласточкысо», чыла классан вагонышто, ты шотыштак СВ ден «Люксышто», яра шупшыкта. Тыгай йӧным нуным ужатен коштшо кажне еҥлан пуа.
Билетым кызытак оформитлат. Тидланже пассажирын личностьшым пеҥгыдемдыше да льготылан правам пуышо документ гына кӱлыт. Билетым оформитлымылан, сервис услугылан, тыгак вакшыш шартышлан да кочкышлан окса огеш налалт.
Тиде йӧн дене май мучко мыняр шонет, мыняр кӱлеш, тунаре пайдаланаш лиеш.
М.ИВАНОВА
