УВЕР ЙОГЫН

Уто колым кучаш ок лий

 10 апрель гыч 10 июнь марте  Марий Элысе вӱд объектлаште колым кучаш чарыме.

А теве Куйбышев водохранилищын акваторийыштыже 25 апрель гыч 5 июнь марте тыгай чарак пурталтын.  Колым йӧршешыжак кучаш ок лий огыл. Кок крючок деч утларак огыл чичкан эҥыр дене сер гыч тидым ышташ лиеш, но колын мӧртньым кышкыме верыштыже огыл. Тыгай верыштыже изи да прогулочный судно дене ийын кошташ чарыме.  

Закон почеш, кечеш кучен лукмо вӱд биоресурсын (ловал, судак, нужгол, сазан) тичмаш кугытшо 5 килограмм палемдалтын, а теве шийголым иктым гына лукташ лиеш.

 Каласен кодыман, колым закондымын кучымо дене ышталтше роскотым петырыме штрафат изижак огыл. Мутлан, ошколлан 206626, стерлядьлан 4572, судаклан 3305, карп ден нужголлан 925, ловаллан 500, карака ден олаҥгылан 250, раклан 115 тенгем луктын пышташ логалеш.

 С.Носова.

Опубликовать в Одноклассники

Добавить комментарий