11 апрельыште Молодёжный политике, спорт да туризм министерствыште 2019 ийыште сай результатым ончыктышо спортсмен-влакым саламленыт.
Тўнямбал кеҥеж Специальный Олимпиадыште (Абу-Даби олаште) участвоватлымыжлан, ойыртемалтмыжлан Сергей Мухлыгинлан (пауэрлифтинг), тудын тренерже Юрий Кудрявцевлан тауштымашым кучыктеныт.
Шахмат дене йочапӧрт да тулык икшыве-влаклан интернат-школын «Восхождение» командыжлан (А.Полушина, М.Шамрай, Ф.Королёв, Р.Рябчиков) IV всероссийский таҥасымашын семышыш лекмыжлан тауштымашан серышым пуэныт.
Фитнес-аэробике дене «Экстрим» команде кажне ийын тўрлє кўкшытан таҥасымашлаште сеҥышыш але призёр радамыш логалеш. Тений Российын чемпионатше ден первенствыштыже ончыко лекмыжлан командылан (Д.Боровских, К.Кисельникова, И.Рачкова, М.Бычкова, А.Егорова, Н.Уртемеева, О.Чернова, Д.Введенская), ӱдыр-влакын тренерыштлан (М.Федосеева, Е.Бороухина, С.Лебедева) тыгаяк серышым кучыктеныт. Японийыште киокусинкай каратэ дене тӱнямбал чемпионатыште сайын выступатлымыштлан Д.Веткинлан, Ю.Соколовалан, М.Поповлан, Е.Виногоровлан, Н.Яндемеровлан тауштымашым увертареныт, а киокусинкай каратэ федерацийын региональный мер организацийжын членже-влаклан, С.Заньковлан, И.Капустинлан, Н.Лежнинлан, Молодёжный политике, спорт да туризм министерствын Чап грамотшым пуэныт.
Е.Эшкинина.
