Тений майыште Звенигово районысо Красногорский посёлкышто верланыше 2-шо №-ан школ ончылан светофорым шогалтат.
Тиде кундемыште машинажат шукырак кудалыштеш, калыкшат шукырак коштеш, поснак йоча-влак школ гыч кевытлашке когыльым, вӱдым монь налаш куржталыт. Корнышто ны «зебре», ны «кийыше полицейский» уке, сандене посёлкыш кудал пурышо ма кугорныш лекше автомашина йымак логал кертме лӱдыкшӧ кугу.
Тидымак шотыш налын, Красногорский ола шотан илем администраций 5 апрельыште кугыжаныш закупко сайтыш электрон аукцион нерген уверым пуэн. Контрактын акше – 1108990,00 теҥге.
М.ИВАНОВА
