СПОРТ

А те паледа?

4 апрельыште Архангельскыште ече дене Россий сборный командын тренер ушемже погынен. Тушто Марий Эл гыч Екатерина Смирновам ече дене тӱҥ сборный командышке пуртымо нерген решенийым приниматленыт.

Ме землячкынам шокшын саламлена да сай результатым тыланена.

Марий Элыште

7 апрельыште тӱнямбал тазалык кечым палемденыт. Марий Элыштат ты кечылан пӧлеклалтше шуко спорт мероприятий эртаралтын.

Мутлан, куржталаш йӧратыше-влак шкешотан стартыш лектыныт. Ты  куржталмашын шонымашыже – тӱшка спортлан, таза илыш-йӱлалан  кумылаҥаш, коллектив, команде дене, ик ойыш шуын паша ыштымым арален кодаш.

Специалист-влакын палемдымышт почеш, кумыл нӧлтымӧ, нервым луштарыме шотышто куржталмаш – ик эн сай йӧн.

Олалаштат, район рӱдерлаштат спорт объектлаште пел ак дене канаш йӧным ыштеныт. Мутлан, «Йошкар-Ола» бассейныште шулдынрак йӱштылын, канен кертыныт.

Е. Эшкинина.

Опубликовать в Одноклассники

Добавить комментарий