Военнослужащий-влаклан жилищный субсидирований программе дене келшышын, Марий Элыште идалык тӱҥалтыш гыч 19 военнослужащий ден нунын ешышт ончылно постоянный илыме верым ситарыме шотышто социальный обязательствым шуктымо. Жилищный субсидийын чумыр суммыжо 140 утла млн.теҥгеш шуын.
Военнослужащий-шамыч жилищный субсидий дене кумылын пайдаланат, молан манаш гын тудын кугытшо илыме верым – чылт у але тымарте пайдаланыме комфортабельный пачер гыч тӱҥалын шке проект почеш чоҥымо пӧрт але коттедж марте – Россий Федерацийын чыла кундемыштыже налаш йӧным ышта.
Тылеч посна военнослужащий-влакын илыме верым саемдыме эше ик йӧнышт уло, тиде – илыме верым ситарыме накопительно-ипотечный системе. Тудым 2005 ий 1 январь гыч илышыш пуртымо, а 2028 ий гыч военнослужащий-влаклан постоянный илыме верым ситарыме ик формо гына лиеш.
Тиде системын ик участникшылан накопительный взносын кугытшым федеральный закон пеҥгыдемда. 2019 ийыште тудо – 280009,7 теҥге.
М.ИВАНОВА
