СПОРТ

Таҥасаш верым ямдылат

12-21 июльышто Марий Элыште инвалид-влакын III всероссийский кеҥеж спартакиадышт лиеш. Тушто начарын коштшо, уш-акыл дене почеш кодшо, церебральный паралич черан, сайын огыл ужшо да колшо 14-18 ияш ӱдыр-рвезе-влак вийыштым тергаш тӱҥалыт.

Молодёжный политике, спорт да туризм министр Л.Батюкован палемдымыж почеш, ты шкешотан фестивальын таҥасымашлаже Йошкар-Оласе Вӱд спорт полатыште, «Спартак» ФОК-ышто, Медведево посёлкысо «Олимп» стадионышто эрта.     

Кызыт ты кугу мероприятийлан чулымын ямдылалтыт. Инвалид-влаклан спорт объектыш логалме шотыштат йӧным ыштат.

Регион-влак коклаште тыгай сынан спартакиаде апрельыште лиеш.

Марий Элын чапшым 46 еҥ аралаш тӱҥалеш. Таче кечылан нунылан у формым ургеныт. Мероприятийын логотипше ден талисманжымат палемденыт. Нунышт национальный шӱлышан лийыт.

Спартакиадын торжественно почмаш ден тӱчмаш «Марий Эл» ий полатыште лиеш. Таче кечылан фестивальыш ушнаш элнан 71 регионжо гыч йодмаш пурен. 

Е.Эшкинина.

Опубликовать в Одноклассники

Добавить комментарий