5-15 мартыште Норвегийыште ече дене мастар-ветеран-влак коклаште тӱнямбал чемпионатыште Марий Эл гыч Тамара Григорьева вийжым терген.
79 ияш Тамара Семёновна мӧнгышкыжӧ кок медаль дене пӧртылын. Эстафетыште шӧртньӧ, классик йӧн дене 10 километр кужытышто ший медальым сеҥен налын.
Ты чемпионатыште 27 эл гыч 1478 спортсмен таҥасен. Российын командыже икымше верыш лектын. А Т.Григорьева тӱрлӧ кужытан ечыгорнышто да тӱрлӧ элыште 17 гана тӱнямбал чемпион лийын.
7 уныкан ковайым, тале спортсменым шокшын саламлена.
Е.Эшкинина.
