Марий Эл Республикым вуйлатыше Александр Евстифеев 20 мартыште Москваште икмыняр официальный вашлиймашым эртарен.
Тышеч иктыже – Россий Федераций правительстве пӧртыштӧ Анатолий Кириенко дене вашлиймаш. Александр Евстифеев Россий Федераций правительстве аппаратым вуйлатышын алмаштышыжым национальный проект-влакым шукташ республикын ямде улмыж дене палдарен. Вашлиймаште РФ-ын субъектшын бюджетшылан национальный проект-влакым шукташ субсидийым пуымо нерген соглашенийым ыштыме йодышым каҥашеныт.
Анатолий Кириенко дене мутланыме годым республикым социально-экономически вияҥдыме моло йодышымат тарватыме.
Ушештарена: проектный пашам виктарен колтымо радам дене келшышын, Марий Элыште федеральный проект-влакын цельышкышт, показательышкышт да результатышкышт шумашке виктаралтше 51 региональный проектым пеҥгыдемдыме. Нуным 2019-2024 ийлаште шукташ палемдыме. Финансированийын чыла источникше кӱшеш 53,9 миллиард теҥгем, тидын шотыштак федеральный бюджетын средстваж кӱшеш 28,8 миллиард теҥгем, ушаш палемдыме.
Марий Эл Республикым вуйлатышын организаций да аналитике виктемжын уверже негызеш П.Шакиров ямдылен
