СОЦИАЛЬНЫЙ ИЛЫШ

Олалан — чапле асфальт кӱлеш

Марий Элым вуйлатыше  «Город» МУП-ын асфальтобетон  заводышкыжо миен коштын.

 Тушто инертный материалым аралыме верым да асфальтым ямдылыме установко-влакым ончен савырныме  деч вара туштак совещанийым эртарен. Совещанийыште оласе да республикысе корнылам  олмыктымо дене кылдалтше йодышлам каҥашеныт.

Республикым вуйлатыше асфальтым ямдылыме да тудын  качествыжым терген шогымо пашам «Лӱдыкшыдымє да сай качестван автомобиль корно»  национальный проектын у стандартше-влак дене келшышын   саемден колтымо йодышлан поснак кугу тӱткышым ойырен.

«Город» МУП-ын асфальтым варыше кум установкыжо уло. Тышеч кокытшо ни паша лектыш, ни ямдылыме асфальтобетон вартышын качествыж шотышто  стандарт  дене келшен огыт тол. Олалан кызытсе стандарт дечат сайрак  качестван асфальтым ыштен лукшо у технике кӱлеш, палемден Александр Евстифеев. Тиде йодыш кызыт решатлалтеш. Тидымат мондыман огыл: ме  кызыт олаште Марий Элын 100 ияш юбилейжылан  ямдылалташ  тӱҥалынна. Лач тидлан кєра ола озанлыкын технический йӧнжылан тыгай кугу тӱткыш ойыралтеш, иктешлен каласен республикым вуйлатыше.

 

Марий Эл Республикым  вуйлатышын организаций да аналитике виктемжын  уверже негызеш П.Шакиров ямдылен 

Опубликовать в Одноклассники

Добавить комментарий