ЙӰЛА МАРИЙ ЙӰЛА

У ий дене, марий-влак!

Тудо шошым кече ден йӱдын икгай шуйнымо пагытлан келшен толеш. Но ты татын толмыжо эше високосный але високосный огыл идалыкымат, моло астрономий фактымат онча. Тений шошым кече ден йӱдын икгай шуйнымо пагыт 21 март йӱдым 12 шагатат 58 минутышто тӱҥалын. Тунам Кече кечывалвел полушарий гыч йӱдвел полушарийыш кусна. Тидын деч вара йӱдвел полушарийыште июнь кыдал марте кече кужем толеш. Пӱртӱс ылыжаш тӱҥалеш, шошо толеш. Таклан огыл ты кече акрет годсек мланде пелен илыше калык-влакын У ий пайремыштлан шотлалтын. Кызытат  иран, тюрк калык-влак тыгай пайремым — Наврузым — палемдат. Тудым эсогыл ЮНЕСКО-н материальный огыл поянлык спискышкыжат пуртымо.

 «Навруз» манмыже уэмдымашым ончыкта. Марий-влакынат кечышот радамышт зоростриец-влакын календарьыштлан негызлалтын. Тудын почеш Шордын идалыкше тӱҥалын. Мом вара тудо сӧра? Астролог-влаклан ӱшанаш гын, тиде ийын еҥ-влаклан кеч-могай ошкылым ыштыме годым намысым шотыш налаш але чояланаш манын ойырен налаш логалеш. А йоҥылыш ошкыл нелылыкыш логалмым утларак нелемда гына. Иктешлаш гын, у идалык еҥ-влакын моральный качествыштым тергаш тӱҥалеш. Сандене У ийыште сай велыш уэмаш йӧн лектеш. У ий дене, лудшына-шамыч!

 С.Носова

Опубликовать в Одноклассники

Добавить комментарий