СОЦИАЛЬНЫЙ ИЛЫШ

Лум вӱд лӱдыкта

Марий Элысе ОНФ Пӱртӱсым аралыме марий межрайонный прокуратурыш Йошкар-Оласе Эшкинин уремыште кужун чоҥалтше ик пӧрт воктек лавыран лумым шупшыктымым контрольыш налаш йодын.

ОНФ-ын еҥже-влак шошым лум вӱдын воктенак верланыше 3-шо №-ан йоча поликлиникын подвалышкыже да Изи Какшаныш йоген пурымыж деч лӱдыт.

Общественник-шамыч Эшкинин уремысе 2-шо №-ан пӧртыштӧ илыше-влакын вуйшиймашыштым тергеныт да кок метр кӱкшытан савар дене авырен налме кужун чоҥалтше пӧрт кумдыкын лум полигоныш савырнымыжым рашемденыт. Калыкын мутшо почеш, тышке кажне кечын эре ик машинак лавыран лумым шупшыкта.

«Лум шулашат тӱҥалын, да тиде вӱд, корныштыжо логалше кумдыклам темен, тайыл почеш эҥерыш йоген вола. Закон почеш лумым лӱмын ямдылыме верлашке лукман», – палемден ОНФ-ын регионысо штабшын сопредседательже Руслан Гизатуллин.

М.ИВАНОВА.

Опубликовать в Одноклассники

Добавить комментарий