Республикыште ача-аван полышыж деч посна кодшо 225 икшывым ӱмаште ешыш пуэныт.
Тидын нерген Марий Эл Республикын социально вияҥмаш министерствыже палдара. Кызыт тыгай икшыве-влак дене республикыште 8 учреждений пашам ышта. Тӱрлӧ ведомство да министерстве дене кылым кучен, иквереш тыршымышт дене нуно ӱмаште сай лектышыш шуыныт. 225 гыч 58 йочам опекыш, 36 ӱдыр-рвезым приемный ача-ава-влак налыныт, а 131 икшыве шочмо ешышкышт пӧртылыныт.
Л.Камалетдинова.