Марий Элыште инвалид-влак коклаште республик кӱкшытан «Ечыгорно ӱжеш!» таҥасымаш лийын. Тудо Юбилейный посёлкысо школын стадионыштыжо эртен. Стартыш 60 утла участник лектын. Нунын коклаште ик гана веле огыл таҥасымашлаште вийым тергыше-шамычат лийыныт.
Трассыште шукыштлан волонтёр-влак полшеныт. Иктыштлан тидыже сеҥышыш лекташ йӧным ыштен гын, шукыштлан финиш марте шуаш, шкем шке сеҥаш полыш семын лийын.
Ты таҥасымаш нунылан таза илыш-йӱлам кучымаште шкешотан у ошкыл семын палемдалтын.
Е. Эшкинина.