Тений 1 март гыч чодыра деке лишке верланыше кумдыкын озаже-влак тудым шкак эрыктышаш да пожар ваштареш ыштыме барьер дене ойырышаш улыт.
РФ-ште Пожар ваштареш виктаралтше режим правилыш тидым пеҥгыдемдыше вашталтышым кодшо ийын августышто пуртеныт. Лум шулен пытыме деч вара шыжымсе ночко игече марте але лум вочмеш кугыжанышын да верысе кучемын органже-влак, учреждений, организаций, моло юридический лица-влак (организационно-правовой ден пого формыжым шотыш налде), кресаньык (фермер) озанлык, мер ушем, индивидуальный предприниматель, должностной лица, Россий Федерацийын, йот элысе гражданже-влак, тыгак чодыра воктене кумдыкым кучышо да тудын дене пайдаланыше гражданстве деч посна лица-влакат участкым кукшо кушкыл, тор да ылыж кертше моло материал деч 10 метр лопкыштышто эрыктышаш улыт. Але чодыра воктене пожар ваштареш келыштарыме 0,5 метр лопкытан минерализоватлыме полосам але тыгаяк вес барьерым ыштыман.
Марий Элыште пожар ылыж кертме лӱдыкшӧ апрельын кокымшо декадыжлан логалеш. Сандене чодыра деке лишке верланыше кумдыкым кучышо оза-влак кӱшно ончыктымо йодмашым тиде пагыт марте илышыш пуртышаш, сезон мучашлалтмеш пожарлан амалым ыштен кертше лӱдыкшым кораҥденак шогышаш улыт. А законын йодмыжым щуктыдымылан административный ответственность вуча.
С.Носова.
