УВЕР ЙОГЫН

Эн патыр, виян, лӱддымӧ…

Марий Элысе МВД-ште «суперполицейскийым» ойырен налыныт. Тиде лӱм верч тӱрлӧ подразделений гыч 6 пӧръеҥ таҥасен.

Икымше этапыште полиций пашаеҥ-влак куржмаште, табельный оружий гыч лӱйкалымаште да силовой манме упражненийлам ыштымаште вийыштым тергеныт.

Конкурс кечын нуно шкешт нерген видеосӱретым ончыктеныт, жюрин йодышыжо-влаклан вашештеныт, «преступник-шамычым» кученыт, противогазым чиен, кок пуд нелытан кирам нӧлтыштыныт. Творческий ужашыште погынышо-влак нунын мурен, куштен моштымо мастарлыкыштым аклен кертыныт.

Баллым эн шуко погымо шот дене «Суперполицейский – 2019» лӱмым МВД-н профподготовко рӱдержын преподавательже Рустем Исламов сеҥен налын. «Супербогатырь» лӱм дене наркотик дене пайдаланымым эскерыше управлений пашаеҥ Андрей Долгушев палемдалтын. «Суперталант» номинацийыште оперуполномоченный Константин Скопенко ойыртемалтын. «Суперэрудитлан» жюри ГИБДД пашаеҥ Роман Крыловым шотлен.  «Суперстрелок» номинацийыште экономический лӱдыкшыдымылак да коррупций ваштареш кучедалме управлений пашаеҥ Никита Оленев эн чолга лийын. «Супербоецлан» ик йӱк дене ППС пашаеҥым, офицер-влак коклаште шкет гына сержант лийше Иван Талаевым, ойырен налыныт.

Л.Камалетдинова.

Опубликовать в Одноклассники

Добавить комментарий