Курыкмарий район администрацийыште вашталтын лийын: тудым Наталья Арганякова вуйлаташ тӱҥалын.
Тудым тиде должностьыш шогалтышаш нерген пунчалым Курыкмарий муниципал районысо Депутат-влак погынымаш приниматлен. Тылеч ончыч Наталья Николаевна ты район администраций вуйлатышын алмаштышыже лийын.
Наталья Арганякова 1978 ий 24 ноябрьыште шочын. 2003 ийыште Марий кугыжаныш университетыште «Экономика и управление аграрно-промышленным комплексом» специальностьым налын. 2007-2014 ийлаштен Я.Эшпай лӱмеш калык тӱвыра рӱдер директор лийын. 2014 ий июль гыч 2019 ий февраль марте Курыкмарий централизоватлыме клуб системе директорын алмаштышыжлан ыштен.
Л.Камалетдинова.