Марий Элыште Вашкеполышым пуымо единый диспетчер службым ыштыме икымше йыжыҥ мучашке лишемын.
Тудо медицине полышым жапым шуйкалыде пуымо йӧным саемдаш, «вашкеполыш» бригадын черле деке миен шумо жапшым кӱчыкемдаш ышталтын.
Вашкеполышым пуымо кажне службо тымарте пашам посна ыштен да шке районысо калыкше деке веле лектын гын, кызыт чыла станций ден отделенийым Йошкар-Оласе Вашкеполыш станцийыш ушымо.
Икымше йыжыҥыште Медведево, Оршанке да Килемар районласе вашкеполышым пуымо отделений-влакым ик системыш ушымо. Кокымшо йыжыҥыште, 1 март гыч, единый дежурный диспетчер службыш Козьмодемьянск межрайонный, Волжск оласе, Морко да Звенигово районласе рӱдӧ эмлымвер-влакым ушаш тӱҥалыт.
1 апрельлан ты службыш республикысе чыла районым ушат.
Шотыш налза: «вашкеполыш» бригадым 03 (стационар телефон гыч), 030, 103 да 112 (сотовый телефон гыч) ӱжыкташ лиеш.
М.ИВАНОВА.
