2018 ийыште Марий Эл Республикын Социальный вияҥмаш министерствышкыже граждан-влак деч 7800 утла обращений пурен
Тиде чот гыч 5634 йодмашлан умылтарымашым пуымо, 1709 обращенийым шуктымо. 2019 ий тӱҥалтышлан ӱмаште IV квартал мучаште пурышо 22 йодмашым гына ончен шуктымо огыл. Тидыже ведомствын кажне обращенийым ончымыж нерген ойла.
Калык тӱҥ шотышто социальный обслуживаний дене кылдалтше законын южо йыжыҥже шотышто кокытелана, тыгак социально аралыме могай мера дене пайдаланен кертмыжым рашемда, илыме верым саемдыме шумлык тургыжлана, материальный полышым йодын толеш.
М.ИВАНОВА.
