ЛӰМГЕЧЕ СПОРТ

Шочмо кечым – куржталме корнышто

2 февральыште Россий Федерацийын сулло туныктышыжо, Россий физический культурын отличникше, Марий Эл физический культурын сулло пашаеҥже, энтузиаст, икмыняр у стартын организаторжо, Шернур кундемын чолга эргыже Валерий Ефимович Горохов 70 ияш лӱмгечыжым (шочынжо 24 январьыште) куржталме корнышто палемден.

Куржталмашке Валерий Ефимовичым пагалыше спортсмен йолташыже-влак  лектыныт. Участник-шамычым Марий Элыште Олимпийский ушемын президентше В.Чумаков шокшын саламлен. Таза илыш-йӱлан ӱшанле йолташыже, В.Гороховын землякше В.Мочаев чылаштым кинде-шинчал дене вашлийын.

Старт Йошкар-Оласе Ленин площадьыште пуалтын. Участник-влак «Водоканал МУП Арбан, вара Нужъял школ марте шуйналтын. Тушто школ директор А.Конаковын организатор пашажым мокталтыман. Варажым корныш ятыр тунемше ден туныктышо ушненыт. Тыге таза илыш-йӱлам кучышо-влак Лӱльпан школ марте чымалтыныт. Туштыжо школ вуйлатыше Ю.Антонов  вашлийын, уна-влакым шокшо кочкыш дене сийлен.

Ты кечын 70 километрым куржшо-влак коклаште эн чытыше В.Тивиков, В.Эманов, А.Матвеев, В.Горохов (снимкыште) лийыныт.

Тыге пырля чумырген куржталмым куштылго атлетикым, тӱшка стартым, любительский спортым, илышыш шыҥдарыме шотышто эше ик сай йӧн семын палемдыман.

Е.Эшкинина.

Снимкыште: 70 ийлан – 70 километр

В.Тивиков, В.Эманов, А.Матвеев, В.Горохов).

Эн кугу сеҥымаш – шкендым сеҥымаш.

                                                         (Я.Ялкайн)

 

Опубликовать в Одноклассники

Добавить комментарий