Провой кундемыште илыше афган сарын ветеранже-влак Звенигово оласе 3-шо №-ан школышто тунемше-шамыч дене вашлийыныт.
«Шарнымаш ила» вашлиймаш Афганистан гыч совет войскам лукмылан 30 ий теммылан пӧлеклалтын. Ветеран-шамыч интернациональный порысым шуктымышт, патырлык нерген каласкаленыт, йот мландыште вуйым пыштыше йолташыштым шарналтеныт.
Торжественный ужаш деч вара «афганец» ден тунемше-влак Йошкар-Ола гыч толшо «Выбор» вокал-семӱзгар ансамбльын концертшым онченыт.
М.ИВАНОВА.
