КАЛАСЕ, "МАРИЙ ЭЛ"

18 ий уке…

18 ияш марте пашам ыштыше-влаклан оксам кузе тӱлымӧ шотышто йодышым рашемдынем.

Н.Варсегов.

Йошкар-Ола.

Йодышлан Медведево районысо прокурорын полышкалышыже О.Г.Лесовщикова вашештен:

— РФ Паша кодекс дене келшышын 18 ияш марте пашаеҥ-влаклан оксам  паша жапым кӱчыкемдыме шотым ончен тӱлат. Пашам пуышо моло пашазе-влакын кажне кечын шуктымо пашаштлан тичмаш кужытшылан тӱлымӧ семынак тыгай ийготан-шамычлан шке кӱшеш пашадарым кугемден кертеш.

18 ияш марте пашаеҥ-влаклан сдельный пашам шукташ ӱшанат гын,  ончылгоч палемдыме сдельный пашадарым тӱлышаш улыт. Нунын пашам шуктымо жапышт кӱчыкырак гынат,  пашам пуышо нунылан тариф ставке марте пашадарым шке кӱшеш кӱзыктен кертеш.

Образовательный организацийлаште шинчымашым погышо да тыгодымак яра жапыште пашам ыштыше 18 ийым темыдыме ӱдыр-рвезе-влаклан пашадарым мыняр шагатым да могай  лектышым ыштымыштым ончен пропорционально тӱлат. Пашам пуышо шке кӱшеш нунылан ешарен тӱлен кертеш.

С.Носова.

Опубликовать в Одноклассники

Добавить комментарий