СПОРТ

Тӱшкан – тазалык корныш!

9 февральыште Марий Элын чыла районыштыжо  «Российын ечыгорныжо» XXXVII всероссийский тӱшка старт эрта.

30 ий утла жапыште тыгай шкешотан таҥасымашке миллион дене калык ушнен. Тушто элнан лӱмлӧ да чапланыше спортсменже-влак вийыштым тергеныт, тергат да кажне ийын участник-шамычат ешаралтыт гына. Тыге калыкым таза илыш-йӱлалан кумылаҥдыме ик эн тӱҥ шонымаш илышыш пурталтеш.

Республикыште тӱҥ старт «Корта» ече базыште 12 шагатлан пуалтеш.

Теният «Корта» ече базыште палемдыме дистанцийлаште вийым тергаш йӧн пуалтеш. 2001 ийыште шочшо да тылеч изирак ийготан-влаклан – 5 км, 2000 ийыште шочшо да тылеч кугурак ийготан-шамычлан – 10 км. Ечыгорныш лекташ кумылан-влак ончычсо семынак 2019 метр кутышым (VIP дистанций) эртен кертыт. 

Тӱшка стартыш ушнаш шонышо 7-8 февральыште Йошкар-Оласе «Марий Эл»  ий полатыште  12 гыч 19 шагат марте регистрироватлалтын кертеш.  9 февральыште – «Корта» ече базыште 9 гыч 11 шагат марте.

Палаш уто огыл

I-XI тӱшкашке пурышо (6-70 ияш да кугурак-влак) да ГТО-м сдатлаш шонышо-шамычлан «Российын ечыгорныжо» тӱшка старт деч вара  нормативым шуктымо нерген документым пеҥгыдемдаш йӧн пуалтеш.

ГТО-м сдатлаш шонышылан кӱлеш:

  1. gto.ru сайтыш пурен, ID-номерым налман.
  2. Личностьым пенгыдемдыше документым, врач деч налме таза улмым пеҥгыдемдыше справкым ончыктен, «Российын ечыгорныжо – 2019» мандант комиссийыште регистрацийым эртыман.

Е.Эшкинина.

Опубликовать в Одноклассники

Добавить комментарий