Марий Элын правительствыже 2018 ий IV кварталыште илен лекташ лийме кугытым пеҥгыдемден. Тыге пашам ыштен кертше еҥын тудо 9447 теҥге лийын, пенсионерын – 7285 теҥге, йочан – 9048 теҥге.
Илен лекташ лийме кугытын акышкыже кочкыш сату, продовольственный огыл сату, тӱрлӧ услуго, обязательный платёж ден сбор пурат.
Кодшо ий III квартал дене таҥастарымаште ты гана ик еҥын илен лекташ лийме кугытшо 2,52 процентлан иземын. Тидыже потребительын корзиҥгашкыже пуртымо южо кочкыш сатун шулдештмыж дене кылдалтын. Но 2017 ий тыгаяк жап деч 1,23 процентлан кӱзен.
М.ИВАНОВА.
