У Торъял районышто чыла ялышкак пӱртӱс газым пуртен шуктен огытыл. Кушто тудо уке, тушто еҥ-влак канде тулын толын шумыжым моткочак вучат.
Но, район администрацийыште пален налме почеш, теният тысе калыкын ты шотышто илышыже огеш куштылем – газым пуртымым вучен огыт шукто. Молан манаш гын тыгай пашам шуктышо компанийын 2019 ийлан идалыкаш планышкыже У Торъял район пурталтын огыл. Тудым вес ийлан веле палемденыт. А тений газым пуртымо шотышто кугу паша Кужэҥер районышто ышталташ тӱҥалшаш.
Л.Камалетдинова.