Волжск олаште ече дене таҥасымаште Марий Эл Республикын чемпионатшын икымше туржо эртен.
Тушко Морко район гычат спортсмен-влак ушненыт. Физкультур да тазалыкым пеҥгыдемдыме «Олимп» комплексыште шуаралтше рвезе-влак поснак сай результатым ончыктеныт: Тигран Арутюнян 2003-2004 ийлаште шочшо рвезе-влак коклаште принтыште 1,6 километрыште да 10 километрым куржмаште сеҥышыш лектын. Тиде группыштак Максим Атабаев ден Илья Григорьев 3-шо вер дене палемдалтыныт. Рвезе-влакым школьник-влакын всероссийский спартакиадыштышт чолгалыкым ончыкташ Марий Элын сборный командышкыже пуртеныт.
А.Байкова
