Кодшо ийын Марий Элыште у чодырам шындаш 594,1 килограмм нӧшмым ямдылыме.
«Рослесозащита»-«ЦЗЛ Республики Марий Эл» ФБУ-н филалжын «Марий чодыра нӧшмӧ станций» пӧлкажын увертарымыж почеш, тыгак тудын фондыштыжо тулеч ончычсо ийлаште ямдылыме 2357,7 килограмм нӧшмӧ аралалтеш. Улшо нӧшмыж дене Российын чыла кундемысе лесничествылаже пайдаланен кертыт. Тергымаш ончыктен: тений ямдылыме шапаш тӱҥ шотышто сай качестван, икымше да кокымшо классан улыт. Кумшо классанлан шотлымыжо 6,6 процент веле. Тудын шытен лекме куатше начаррак гынат, тыгай нӧшмым лу ий марте аралат.
Кодшо ийын у чодырам шындыме пашам 250 гектарыште вораҥдарыме.
С.Носова
