16 январьыште Российысе тележурналист, коммуникаций областьыште специалист Игорь Буренковым Юл кундем федеральный округышто Россий Федерацийын президентшын полномочный представительжын алмаштышыжлан шогалтеныт.
Игорь Юрьевич Буренков 1965 ий 31 июльышто Москваште шочын. 1992 ийыште М.В.Ломоносов лӱмеш МГУ-н журналистике факультетшын телеотделенийжым тунем пытарен. Икмыняр коммерческий фирмын совладелецше лийын. Регионысо, общероссийский да тӱнямбал кӱкшытан кугу проект-влакым эртарен: Б.Ельцинын, Ю.Лужковын, И.Хакамадан, «Единство» («Единый Россий») партийын федеральный да региональный кампанийышт-влакым организоватлен.
Л.Камалетдинова.
