СОЦИАЛ ИЛЫШ

Кажнын кӱза, но тӱрлын

2019 ий 1 январь гыч пашам ыштыдыме пенсионер-влакын страховой пенсийыштым 7,05 процентлан индексироватлыме. Тидын дене келшышын, Марий Элыште пенсий кокла шот дене 12975 теҥге лийын.

Тыгак ялыште илыше да ялозанлыкыште 30 ий тыршыше пашадыме пенсионер-влакын пенсийыштым чырыклан кӱзыктымӧ. Тидыжым Марий Элыште 8,6 тӱжем утла пенсионер шижын.  

Россий Пенсий фондын Марий Элысе пӧлкажын пресс-службыжын данныйже почеш, пенсионер «ялысе» стажлан 25 процент ешартышым налшашыжым пала, но тудым январьыште налын огыл гын, идалык жапыште Пенсий фондын верысе органышкыже келшыше документ дене толшаш. Тыгодым тудын пенсийжым 2019 ий 1 январь гыч угыч шотлен луктыт.

Тылеч посна тений 1 февраль гыч инвалид, сарын участникше, «чернобылец» да моло федеральный льготник-влакын окса выплатыштым индексироватлат. А 1 апрель гыч – кугыжаныш обеспечений шотышто пенсийым, ты шотыштак социальныйым. Нине выплате-влакын индексацийышт 2018 ийысе инфляцийын кугытшо дене кылдалтеш.

М.ИВАНОВА.

Опубликовать в Одноклассники

Добавить комментарий