Российын Минздравше СПИД да инфекциян чер ваштареш кучедалме, профилактикым эртарыме шотышто рӱдер-влак коклаште 2018 ийыште «Эн сай СПИД-рӱдер» профессиональный мастарлык конкурсым эртарен.
Конкурсын тӱҥ шонымашыже – Россий калыкым ВИЧ-инфекцийын да тудын гай моло черын шарлымышт дене палдарыме эн сай практикым рашемдаш. Тушко элысе чыла СПИД-рӱдерлан ушнаш темлыме.
Конкурсым ВИЧ/СПИД-ым эмлыше да тудын шотышто профилактикым эртарыше специалист-шамычын Россий кӱкшытан IV форумыштышт (Москва) иктешленыт.
Марий Эл Республикын СПИД да инфекциян чер ваштареш кучедалме, профилактикым эртарыме рӱдержым «Зона риска» номинацийыште ик эн сай тӧнежлан шотлымо.
«Зона риска» номинацийыште кокымшо вер – Россий Федераций Тазалыкым аралыме министерствын кугу акше.
М.ИВАНОВА
